Çempionlar Liqasının II-ci təsnifat mərhələsində keçirilən “Lex” – “İnter” oyununu canlı olaraq stadiondan izləmək İnterfanklubunun prezidenti Ruslan Muradova və mənə qismət oldu.Hər ikimiz 20.07.2010-cu il tarixdə səhər saat 8.30 radələrində H.Əliyev adına Hava Limanında olduq.Kömrük və sərhəd qoşunlarının yoxlanışını keçəndən sonra çarter reysi ilə Poznan şəhərinə istiqamət götürən təyyarədə yerimizi tutduq.Saat 10.00  Poznan şəhərinə istiqamətlənən təyyarə havaya qalxdı. 3 saat 50 dəqiqəlik uçuşdan sonra nəhayət ki,təyyarə Poznan Hava Limanına endi.
  Poznan bizi tutqun lakin mülayim hava ilə qarşıladı.Hava Limanının yeni təmir olunduğu nəzərimizdən yayınmadı.Hava Limanından qalacağımız “Merkuri”otelinə gedəndə şəhər yollarının təmir olunmasının şahidi olduq.Lakin buna baxmayaraq yollarda bir dənə də tıxac yox idi.Yolların təmiri və yüksək səviyyəli Hava Limanının olması bu şəhərin Avro-2012-yə hazırlaşmasının əlamətləri idi.Mehmanxanaya çatıb nahar edəndən sonra Poznan şəhərini yaxından tanımaq üçün şəhəri gəzməyə qərara aldıq.500min əhalisi olan şəhər ticarət mərkəzlərinin çox olması,küçələrinin təmizliyi və ali məktəblərin bolluğu ilə göz oxşayırdı.Şəhər əhalisi ilə rus və inglis dillərində ünsiyyət qurmaq olurdu.Bir neçə saat Poznan şəhərinin küçələrini gəzəndən sonra Poznan şəhər stadionuna üz tutduq.Bu stadionda saat 19.30-da “İnter” komandasının baş məşqçisi Kaxaber Sxadadzenin mətbuat konfransı,ardınca isə stadionun meydançasında “bankirlərin”məşqi olmalı idi.Poznan şəhər stadonunda təmir və bərpa işləri gedirdi.Bu arenanın təmiri iki aydan sonra başa çatacağını stadion rəhbərliyindən öyrənə bildik.Bütün bunlara baxmayaraq Poznan şəhər stadionu öz möhtəşəmliyi ilə məşqə gələnlərin diqqətini cəlb etdi.Məşqdən sonra yenə də şəhəri gəzməyə çıxdıq.Maraqlı olan məqamlardan biri o idi ki,Poznanda “Lex” – “İnter” oyununun bir dənə də olsun afişa və elnı yox idi.Yerli əhali ilə söhbət əsnasında öyrənə bildik ki,bütün şəhər əhalisi “Lex” komandasının ev oyunlarının tarixini və matçların başlanma saatlarını bildiyi üçün şəhər küçələrinə afişalar vurulmur.Bundan əlavə öyrənə bildik ki,”Lex” – “İnter” oyununun satışa çıxarılan biletləri bir həftə bindan öncə qurtarıb və stadionun kassalarında bir dənə də bilet qalmayıb.Bütün bunları eşidəndən sonra mən və Ruslan belə bir nəticəyə gəldik ki,Poznan şəhərinin əhalisi futbol ilə yaşayır və bu idman növünü həddindən artıq sevirlər.
  Sabahısı günü birtəhər yola verib futbol matçının başlanma saatını ikimiz də səbirsizliklə gözləyirdik.Saat 18.00-da mehmanxanadan çıxıb stadiona tərəf yola düşdük.Stadiona gedən yol “Lex” komandasının azərkeşləri ilə dolu idi.Stadiona axışan insan izdihamının ucu-bucağı görsənmirdi.Yol boyu gördüyüm azərkeşlərin hamısı komandalarının atributları ilə silahlanmışdılar.Poznan şəhər stadionuna çatıb bizim üçün ayrılan sektorda Azərbaycan və “İnter”PİK bayraqlarını yer bə yer edəndə stadionda olan yerli azərkeşlərindiqqətləri bizim üzərimizdə idi.Azərkeşlərin əksəriyyəti bizə yaxınlaşır,mehribancasına bizim ilə görüşür və komandamıza uğurlar arzulayırdılar.Diqqətimizi çəkən daha bir məqam stadion ərazisində bir dənə də olsun polis işçisinin olmaması idi.Yalnız sarı jiletli mülki vətəndaşlar azərkeşlərin rahat yerlərində əyləşmələri məqsədi ilə iş başında idilər.Oyunun başlanmasına 10 dəqiqə vaxt qalanda “Lex” komandasının azərkeşləri şouya start verdilər.Birdən ani bir anda stadion sükuta qərq olur və stadiona təşrif buyuran 14 min azərkeş bir ağızdan “Lex” komandasının himnini oxumaöa başladılar.Himn oxunandan sonra azərkeşlər meydançaya ayaq basan hər iki komandanın futbolçularını alqışlara qərq etdilər.Oyunun start fiti verilən kimi stadiona gələn 14 min azərkeş mütəşşəkkil şəkildə dayanmadan sona qədər komandalarını dəstəklədilər.Mən və Ruslan belə azərkeş dəstəyi və belə azərkeş mədəniyyətini birinci dəfə idi görürdük.Oyun ərzində və fasilədə bizə yaxınlaşan azərkeşlər bizimlə ünsiyyət qurub rahatlığımız üçün əllərindən gələni edirdilər.”İnter” komandası qol vurub hesabda irəli çıxandan sonra bizə yaxınlaşıb təbrik edən azərkeşlərin sayını itirmişdik.Oyunboyu gözəl hərəkətlər və oxuduqları mahnılar ilə komandalarını qələbəyə səsləyən polşalı azərkeşlər stadionda əsl şou göstərirdilər.Qarşılaşma bitən kimi bir çpx yerli azərkeş Ruslan və mənə yaxınlaşıb şəkil çəkdirirdilər.Bundan əlavə onlar bizi gözəl oyuna görə təbrik edib “Lex” komandasının atributlarını bizə hədiyyə edirdilər.Biz də öz növbəmizdə yerli azərkeşlərə borclu qalmayıb “İnter” komandasının atributlarını onlara ərmağan etdik.
  Bununla da mənim və Ruslanın Poznan səfərimiz başa çatdı.

  PS: Öz və Ruslan Muradovun adından bizə unudulmaz anlar yaşatdıqları üçün “İnter”PİK prezidenti Georgi Nikolova dərin təşşəkkürümüzü bildiririk.

 Fotolar Viktoriya Melnikə məxsusdur.