Çempionlar Liqasının Iı-ci təsnifat mərhələsində keçirilən “İnter” – “Lex” oyunundan sonra “bankirlərin” aparıcı oyunçularından biri Robertas Poşkuş oyun barədə öz fikirlərini bildirib.

- Heç bilmirəm nə deyim.Oyunu pis keçirtmədik,hətta deyərdim ki,bəzi epizodlarda polşalıları üstələyirdik.Lakin bu oyunda yaratdığımız qol epizodlarından yararlana bilmədik.

- Lakin ikinci hissənin əvvəlində “İnter” yox,rəqib komanda fərqləndi...

- İkinci hissənin əvvəlində bir anlıq konsentrasiyanı itirməyimiz nəticəsində qapımızda qol gördük.

- Sizin fikrinizcə komandaya yeni qoşulmuş oyunçuların meydanda olması oyunun nəticəsinə təsir etdi?

- Haradasa bu amilin də məğlub olmağımızda rolu oldu.Bizim bir birimizə uyğunlaşmağa vaxtımız az idi.”Lex” komandası ilə oyun bir qolluq oyun idi və çox təəssüf ki,bu qolu biz buraxdıq.

- Əlinizə düşən fürsətlərdən nəyə görə yararlana bilmədiniz?

- Həmən epizodlar haqqında fikirləşəndə fərqlənə bilmədiyim üçün çox təəssüflənirəm.Xüsusən də birinci hissədə başla vurduğum zərbə yadımdan çıxmır.

- Komandanın düşdüyü vəziyyətdə nəyə ümid edirsiniz?

- Biz mərhələ adlamaq şansımızı itirməmişik.Düzdür,biz öz meydanımızda qol buraxıb məğlub olduq və təbii ki,Polşada bunun əvəzini çıxmaq üçün əlimizdən gələni edəcəyik.Bu oyuna hazırlaşmaq üçün bir həftə vaxtımız var və cavab qarşılaşmasına daha yaxşı hazırlaşıb buraxdığımız səhvlər üzərində işləyəcəyik.Siz bizə inanın biz isə öz növbəmizdə azərkeşlərimizi sevindirməyə çalışacayıq.