Türkiyədə təlim-məşq toplanışında olan "İnter" komandası plana uyğun olaraq səhər və axşam məşqlərini keçirib.

 Klubun rəsmi saytının məlumatına görə, Kaxaber Sxadadzenin komandası səhər məşqində isinmə hərəkətlərindən sonra dəqiq zərbələri və təkbətək mübarizələri əhatə edən tapşırıqları yerinə yetiriblər.

Axşam məşqində isə fiziki məşğələlərdən sonra komanda ikitərəfli oyun keçirib. "İnter" yanvarının 19-da Almaniyanın II Bundesliqa təmsilçisi "Karlsrue" komandasıyla qarşılaşacaq. Yoldaşlıq matçı Bakı vaxtıyla saat 18:00-da baş tutacaq.

Qeyd edək ki, norveçli baş məşqçi Yorn Andersinin komandası 1909-cu ildə Almaniya çempionu, 1955-1956-cı illərdə ölkə kubokunun sahibi, 1996-cı ildə İntertoto kubokunun qalibi və 1995-ci ildə İntertoto turnirinin finalçısı olmuşdur.