Bu yaxınlarda bir idman portalına müsahibə verən keçmiş hakim Babək Quliyev PFL prezidenti Ramin Musayevi və Hakimlər Komitəsinin sədri Xəqani Məmmədovu tənqid atəşinə tutmuşdu.Konkret olaraq Ramin Musayevi nağıl daçışmaqda suçlayan eks referi “Futbol Saatı” verilişindən məhz Ramin Musayevin sifarişi ilə uzaqlaşdırıldığını və Xəqani Məmmədovun işində olan qüsurlardan danışıb.Amma sizə elə gəlmir ki,Babək müəllim nağıl danışan sizsiniz.
 Hər həftənin bazar ertəsi efirə çıxan “Futbol Saatı” verilişinin başlanma vaxtını mən də bir çoz azarkeşlər kimi səbirsizliklə gözləyirdim.Həmən verilişdə sizin hakimləri haqlı - haqsız tənqid etməyiniz və Urfan Məmmədli ilə bir birinizi qırmağınız barədə dastanlar yazmaq olar.Lakin Babək müəllim siz heç özünüz özünüzə sual vermisiniz ki,hakim olduğunuz dönəmdə neçə klubun evini yıxmısınız?Mən əminliklə deyə bilərəm ki,məhz siz Babək Quliyev bir çox klubun haqqını yeyib öz bərbad idarəçiliyiniz ilə birmənalı şəkildə olan 11 metrlik cərimə zərbələrini təyin etməyib klubları məğlubiyyətə sürükləmisiniz.Bundan əlavə sizin tənqid etdiyiniz hər iki şəxs hakimlik etdiyiniz dönəmdə də iş başında idilər.Necə olur ki,siz hakimlik etdyiniz dönəmdə Ramin Musayev və Xəqani Məmmədovu tənqid etmirdiniz və onların düzgün yolda olub futbolumuzun inkşafı üçün çalışdığını deyirdiniz.Amma etdiyiniz səhv ucbatından hakimlikdən uzaqlaşdırılandan sonra diliniz açıldı.Ramin Musayev və Xəqani Məmmədovun iş fəaliyyəti dəyişdi və yaxud xameleon kimi sizin rənginiz dəyişdi?Mən ikinci variantın üstündə dururam.Ramin Musayev və Xəqani Məmmədov iş başında olduğu halda sizin simanız 380 dərəcə dəyişib.
    Müsahibəsinin sonunda “Xəzər Lənkaran” – “Neftçi” oyununda Vobayın 11 metrlik cərimə zərbəsini qaydalara zidd yerinə yetirdiyini vurğulayan Babək Quliyev həmən epizodda Vobaya sarı vərəqə və əks istiqamətdə cərimə zərbəsi təyin olunmalı olduğu haqqında danışıb.Bununla Babək müəllim siz futbol savadınızı və hakimlik səriştənizi bir daha hamıya nümayiş etdirdiniz.Həmən epizodda Vobay 11 metrlik cərimə zərbəsini düzgün yerinə yetirib heç bir oyun qaydalarını pozmamışdı.Qaydalarda göstərilib ki, oyunçu topa yaxınlaşandan sonra artıq hərəkət etməməli və dayanmadan topa zərbə endirməlidir.11 metrlik cərimə zərbəsini yerinə yetirən oyunçu bu qaydaları pozduğu halda sarı vərəqə ilə cəzalandırılmalı və 11 metrlik cərimə zərbəsi yenidən yerinə yetirilməlidir.Amma siz nə gəldi danışmaqla azarkeşləri çaşdırıb qərəzli mövqedə olduğunuzu bir daha hamıya nümayiş etdirdiniz.
    Babək müəllim sonda bir atalar misalı yadıma düşdü: “Daldan atılan daş topuğa dəyər”!